Diario SPORT-ის ინფორმაციით, "ბარსელონა" ჟულ კუნდეთი კმაყოფილია და მის გაყიდვას არ აპირებს.

ფრანგი მცველის პასუხისმგებლიანობა და მოწადინება "ბლაუგრანასთვის" შეუმჩნეველი არ დარჩენილა. სწორედ ამიტომ გადაწყდა 25 წლის ფეხბურთელის შენარჩუნება, მიუხედავად იმისა, რომ მისი სარფიანად გასხვისება გახლდათ შესაძლებელი.

ჟულით ინგლისის პრემიერ ლიგის წარმომადგენლები აქტიურად ინტერესდებოდნენ.

შეგახსენებთ, რომ კუნდე ევრო 2024-ზე ერთ-ერთი საუკეთესო მოთამაშე გახლდათ. ჟულმა მთელი ტურნირი მარჯვენა მცველის პოზიციაზე ჩაატარა და ნახევარფინალს უწია, სადაც ესპანეთის ნაკრებთან დამარცხდა (1:2).

სხვათა შორის, ჟული გუშინ "სიუტატ ესპორტივაზე" შენიშნეს. როგორც გაირკვა, ბარსელონაში იგი ჰანსი ფლიკთან შესახვედრად ჩავიდა. ახლა ფრანგი კუთვნილი შვებულებით ისარგებლებს, შემდეგ კი გუნდს შეუერთდება.