Marca-მ იმ ფეხბურთელთა თერთმეტეული შემოგვთავაზა, რომლებისგანაც ევროპის 2024 წლის ჩემპიონატზე კარგ თამაშს ელოდნენ, მათ კი გაცემული ავანსები ვერ გაამართლეს.

გუნდში "ბარსელონას" ერთი წარმომადგენელია. საუბარია ანდრეას კრისტენსენზე, რომელსაც პირველი ტურის მატჩში გადაცემათა სიზუსტის საოცარი მაჩვენებელი ჰქონდა, თუმცა შემდეგ შეხვედრებში თავი ვერაფრით დაგვამახსოვრა.

კრისტენსენმა და სხვა დანიელმა ფეხბურთელებმა მერვედფინალს კი უწიეს, თუმცა იქ გერმანიასთან დამარცხდნენ.

სრული შემადგენლობა ასე გამოიყურება:

მეკარე: დომინიკ ლივაკოვიჩი (ხორვატია)

დაცვა: ოლექსანდრ ზინჩენკო (უკრაინა), ანდრეას კრისტენსენი (დანია), ჯანლუკა მანჩინი, ჯოვანი დი ლორენცო (იტალია)

ნახევარდაცვა: დომინიკ სობოსლაი (უნგრეთი), სერგეი მილინკოვიჩ-სავიჩი (სერბეთი), ჯონ მაკგინი (შოტლანდია)

თავდასხმა: კრიშტიანუ რონალდუ (პორტუგალია), რომელუ ლუკაკუ (ბელგია), დუშან ვლაჰოვიჩი (სერბეთი)