სამედიცინო გამოკვლევების ჩატარების შემდეგ დადგინდა, რომ რონალდ არაუხოს გამოჯანმრთელებისთვის ოპერაცია აუცილებელია.

როგორც ირკვევა, ცენტრალური მცველის დაზიანება იმაზე ბევრად სერიოზულია, ვიდრე ეს ერთი შეხედვით ჩანდა. ურუგვაელმა მარცხენა ფეხის ბარძაყის მყესი დაიზიანა, რის გამოც ოპერაცია გადაუდებელი აღმოჩნდა.

ირკვევა ისიც, რომ ოპერაციის გაკეთების შემთხვევაში, არაუხო "ბარსელონას" დაახლოებით დეკემბრის თვემდე გამოაკლდება, რაც გუნდისთვის სერიოზული დარტყმა იქნება.

შეგახსენებთ, რომ არაუხომ დაზიანება ბრაზილიის ნაკრების წინააღმდეგ, კოპა ამერიკის მეოთხედფინალში მიიღო, როდესაც მან მოედანი 33-ე წუთზე დატოვა.