დღეს ერთბაშად რამდენიმე წყარომ დაადასტურა, რომ "ბარსელონას" მარცხენა მცველი, ალეხანდრო ბალდე გუნდთან ერთად ვარჯიშს დაუბრუნდა.

ესპანელი ფლანგელი მოედანზე ბოლოს ამა წლის იანვარში ვიხილეთ. ტრავმა მან ბილბაოს "ატლეტიკთან" კოპა დელ რეის ეგიდით წაგებულ მატჩში (2:4) მიიღო.

მას მერე ალეხანდროს ოპერაციის ჩატარებაც მოუხდა და დარჩენილი სეზონი სრულად გამოტოვა

"ლურჯ-ბროწეულისფერთა" ახალი თავკაცი, ჰანსი ფლიკი ბალდეს ჯერ არ აძლევს ნებას, რომ მთლიან სავარჯიშო სესიაში მიიღოს მონაწილეობა, თუმცა მისი თანაგუნდელებთან გამოჩენა მაინც დადებითის ნიშანია.

20 წლის ფეხბურთელი პრესეზონის ამხანაგურ მატჩებში აუცილებლად ითამაშებს და სეზონსაც ოპტიმალურ კონდიციებში შეხვდება.