ნახევარმცველის პოზიციაზე, "ბარსელონას" პრიორიტეტული სამიზნე მიკელ მერინოა, - იუწყება SPORT.

"რეალ სოსიედადის" შუახაზელი "ბლაუგრანას" მთავარ მწვრთნელს, ჰანსი ფლიკს მისი მრავალმხრივობის გამო მოსწონს. 

გერმანელ სპეციალისტს Box-to-Box ტიპის ნახევარმცველი სჭირდება, 28 წლის ესპანელი კი სწორედ ამ ტიპის ფეხბურთელად განიხილება. "ლურჯ-ბროწეულისფერთა" ხელმძღვანელობა მაქსიმალურად ეცდება, რომ ფლიკის სურვილი შეასრულოს.

კატალონიელთა რწმენით, მიკელის დამატება 20 მილიონ ევროდ იქნება შესაძლებელი.

სატრანსფერო ბრძოლაში "ბარსა" დიდ კონკურენციას ლონდონის "არსენალისგან" უნდა ელოდოს. მერინოთი "მეთოფეთა" მესაჭე, მიკელ არტეტაც მოხიბლულია.

გასულ სეზონში მიკელმა 45 მატჩში მიიღო მონაწილეობა. მან თავი 8 გოლითა და 5 საგოლე გადაცემით გამოიჩინა.