ლამინ იამალი ახლახანს დასრულებული ევრო 2024-ის ერთ-ერთი მთავარი ვარსკვლავი გახლდათ, რამაც მისი ცნობადობის კიდევ უფრო გაზრდაც გამოიწვია.

"ბარსელონას" სუპერტალანტის ფანების რაოდენობის მომატებაზე მისი ინსტაგრამ-ანგარიშიც მეტყველებს.

ევროპის ჩემპიონატის დაწყებამდე, იამალს ინსტაგრამზე 7.2 მილიონი გამომწერი ჰყავდა. უკანასკნელ 1 თვეში ეს რიცხვი ჯერ გაორმაგდა და 15 მილიონს გადააჭარბა, მერე კი 16.2 მილიონსაც უწია.

ცხადია, ეს შეუქცევადი პროცესი მომავალში კიდევ გაგრძელდება.

შეგახსენებთ, რომ ევროპის ჩემპიონატზე იამალი საუკეთესო ახალგაზრდად დაასახელეს. მის მიერ საფრანგეთის ნაკრების კარში გატანილი გოლი ტურნირის საუკეთესოდ აღიარეს, 4 საგოლე გადაცემით კი საუკეთესო ასისტენტი გახდა.