როგორც მოგეხსენებათ, უკვე ოფიციალურად დადასტურდა, რომ ლამინ იამალი მომდევნო სეზონში 19-ნომრიან მაისურს მოირგებს. 17 წლის სუპერტალანტისთვის ბევრი 10-იანის გადაცემას ელოდა, თუმცა ეს თავად იამალმა არ ისურვა. მიზეზებად ანსუ ფატის პატივისცემა და დამატებითი წნეხის თავიდან არიდების სურვილი სახელდება.
19 ნომრით წინა სეზონში ვიტორ როკე ასპარეზობდა. ბევრის აზრით, ეს ამბავი ბრაზილიელის სავარაუდო წასვლისკენ მიუთითებს, თუმცა წინასწარ ვერაფერს ვიტყვით.
იქამდე კი გადავწყვიტეთ, რომ გაგახსენოთ უკანასკნელი 10 მოთამაშე, რომლებიც "ბლაუგრანაში" 19 ნომერს ირგებდნენ. მათი ჩამონათვალი ასე გამოიყურება (უახლესიდან უძველესისკენ):
ვიტორ როკე
ფრანკ კესიე
ფერან ტორესი
კუნ აგუერო
მატეუშ ფერნანდეში
მარტინ ბრეითვეიტი
კარლეს ალენია
კევინ პრინს ბოატენგი
მუნირ ელ-ჰადადი
ლუკა დინი
სანდრო რამირესი
ამ ათეულიდანაც კარგად ჩანს, რომ ბოლო ხანებში 19 ნომრებს "ბლაუგრანაში" ხანგრძლივი და წარმატებული კარიერა არ გამოსდით ხოლმე, მაგრამ აქვე ლიონელ მესისაც გაგახსენებთ, რომელიც ამ ნომრით 2005-2008 წლებში გამოდიოდა.
