გავრცელებული ინფორმაციით, სერხი რობერტომ გადაწყვიტა კლუბში გატარებული თითქმის ორი ათწლეულის შემდეგ "ბარსელონა" დატოვოს. 

32 წლის ფეხბურთელს, რომელიც "ბარსას" თინეიჯერობისას შეუერთდა, კონტრაქტი ეწურება და კლუბისგან ახალი ხელშეკრულების შეთავაზების მოლოდინში გადაწყვეტილება მიიღო, რომ სხვა ვარიანტები მოეძია.

გავრცელებული ინფორმაციით, პრემიერ ლიგაში გადასვლა მისი პრიორიტეტული სიის სათავეშია, თანაც ირკვევა, რომ მისი დამატებით რამდენიმე ინგლისური კლუბია დაინტერესებული. 

რობერტომ თავდაპირველად ხელშეკრულების გახანგრძლივების თაობაზე თანხმობა ჩავის მწვრთნელობის დროს განაცხადა, თუმცა, ესპანელი მწვრთნელის გუნდიდან წასვლამ მოლაპარაკებები შეაჩერა. 

"ბარსელონამ" რობერტოს განუცხადა, რომ მის გაფორმებას მხოლოდ მაშინ შეძლებდა, თუ სახელფასო ლიმიტში ადგილი გამოჩნდებოდა, თუმცა, სასტარტო შემადგენლობაში ადგილის გარანტია მოთამაშეს არ მიუღია. 

"სევილიას", "ვალენსიისა" და "ჟირონას" შეთავაზებების მიუხედავად, რობერტოს სურს კარიერა ესპანეთის საზღვრებს გარეთ განაგრძოს და, სავარაუდოდ, ის გადაწყვეტილებას სულ მალე მიიღებს. 

შეგახსენებთ, რომ "ბარსელონაში" ყოფნის პერიოდში, რობერტომ კლუბის მაისურით 375 მატჩი ჩაატარა, სადაც 19 გოლისა და 43 ასისტს მოუყარა თავი.