ნიდერლანდების ნაკრების მთავარმა მწვრთნელმა, რონალდ კუმანმა, კიდევ ერთხელ გამოხატა იმედგაცრუება "ბარსელონას" ხელმძღვანელობის მიმართ, ნახევარმცველი ფრენკი დე იონგის ტრავმის გამო. 

კუმანმა განაცხადა, რომ დე იონგს ძალიან აწუხებს მისი მდგომარეობა და თვლის, რომ ტრავმის მიღების შემდეგ, "ბარსელონას" მისთვის თამაშის უფლება არ უნდა მიეცა.

შეგახსენებთ, რომ დე იონგმა დაზიანება 2023/24 წლების სეზონში, 21 აპრილს, მადრიდის "რეალთან" გამართულ მატჩში მიიღო და ამის გამო, მას ლა ლიგაში ჯამში მხოლოდ 20 მატჩის ჩატარება მოუხდა. 

ამის შემდეგ, ნახევარმცველი ევროპის ჩემპიონატისთვის ნიდერლანდების ნაკრებს მაინც შეუერთდა, თუმცა, სავარჯიშო ბანაკის დატოვება მას ისლანდიასთან გამართული მატჩის შემდეგ მოუწია, რამაც დიდი შეშფოთება გამოიწვია მის ფიზიკურ მდგომარეობაზე.

კუმანის კომენტარები ცხადყოფს, რომ სპეციალისტის აზრით, "ბარსელონამ" შესაძლოა დე იონგი ზედმეტად სწრაფად დააბრუნა მოქმედებაში, რასაც მისი მდგომარეობის გაუარესება მოჰყვა.