"ბარსელონამ" ნიკო უილიამსი ზაფხულის სატრანსფერო ფანჯრის მთავარ პრიორიტეტად დაასახელა, თუმცა კლუბს ჯერ საამისო ფინანსური რესურსები აქვს მოსაძიებელი.

მიუხედავად ჟოან ლაპორტას განცხადებისა, რომ "ბლაუგრანას" 22 წლის შემტევის შესაძენი სახსრები მოეპოვება, ესპანურ პრესაში გავრცელებული ცნობების თანახმად, კლუბმა ტრანსფერის დასახურად სესხი უნდა აიღოს.

კატალონიელებს ნიკოს გამოსასყიდი თანხა, 58 მილიონი ევრო და სარეგისტრაციო ხარჯებისთვის საჭირო თანხაც დასჭირდებათ.

ეს ყველაფერი დაემატება ისედაც სასესხებ 100 მილიონ ევროს, რომლითაც "ლურჯ-ბროწეულისფრებმა" წინა სეზონში ნანახი ზარალი უნდა დაფარონ.

შეგახსენებთ, რომ ბილბაოს "ატლეტიკის" ვარსკვლავით "ჩელსი" და "არსენალიც" ინტერესდებიან, მაგრამ უილიამსს "ბარსაში" უნდა თამაში.