როგორც მოგეხსენებათ, უკვე საკმაოდ დიდი ხანია, კატალონიის “ბარსელონა” და სერხიო ბუსკეტსი ახალ კონტრაქტთან დაკავშირებით მოლაპარაკებებს აწარმოებენ.

გავლენიანი სპორტული ჟურნალისტის, ხერარდ რომეროს მიერ გავრცელებული ინფორმაციის თანახმად, დღეს დილით ხორდი კრუიფი, მატეუ ალემანი და სერხიო ბუკეტსი ერთმანეთს შეხვდნენ.

გავრცელებული ცნობებით, კატალონიურმა გუნდმა ბუსკეტს +1 წლიანი კონტრაქტი და ხელფასის სახით 3-4 მილიონი ევრო შესთავაზა.

ჯერჯერობით უცნობია რა გადაწყვეტილებას მიიღებს ვეტერანი ფეხბურთელი, თუმცა ცხადია, რომ “ბარსელონას” ხელმძღვანელობას კაპიტანის შენარჩუნება ძალიან სურს.