როგორც უკვე ცნობილია, "ბარსელონა" წინასასეზონო მოსამზადებელ პერიოდს ამერიკის შეერთებულ შტატებში გადის, სადაც ჰანსი ფლიკი ეცდება გუნდი ფიზიკურად სრულ მწყობრში მოიყვანოს.

გავრცელებული ინფორმაციით, "ბარსა" პირველ საწვრთნელ მატჩს "UE Olot-თან", ხუთშაბათს, 25 ივლისს გამართავს. მატჩი დახურულ კარს მიღმა ჩატარდება, რაც ნიშნავს იმას, რომ მაყურებელს დასწრების საშუალება არ ექნება.

როგორც წინა ინტერვიუებში ითქვა, ფლიკის მთავარი მისია გუნდში მყოფი ფეხბურთელების ფიზიკური კონდინციების გაუმჯობესება იქნება. ამ კუთხით გერმანელის შესაძლებლობები ჩვენ მისი "ბაიერნში" მუშაობისას ნათლად ვიხილეთ, ამიტომ, გულშემატკივარი 2024/25 წლების სეზონს საკმაოდ პოზიტიურად ხვდება.