ილქაი გიუნდოგანს კატარიდან 3-წლიან კონტრაქტს სთავაზობენ, - იუწყება Esport 3. "ბარსელონას" ნახევარმცველით დაინტერესებულ კლუბად "ალ სადი" სახელდება.

წყაროს თანახმად, გერმანელი შუახაზელი პასუხზე ჯერ ფიქრობს. არ არის გამორიცხული, კატერელებს მან კონტრშეთავაზებით მიმართოს და თავისთვის სასურველი პირობები თავადვე წარუდგინოს.

აღნიშნულ ცნობებს გამოეხმაურა COPE-ს ჟურნალისტი, ვიქტორ ნაეც.

"მიუხედავად კატარიდან მიღებული შეთავაზებისა, გიუნდოგანი ახლა შვებულებაშია, კვირას კი ბარსელონაში, სამედიცინო შემოწმებაზე ელოდებიან. შემდეგ იგი გუნდს ამერიკულ ტურნეზე გაყვება," - წერს ვიქტორი.

შეგახსენებთ, რომ ილქაის "ბლაუგრანასთან" ხელშკერულება 2025 წლის ივლისამდე აკავშირებს.

33 წლის ვარსკვლავმა "ბარსელონას" მაისურით ჩატარებულ 51 მატჩში თავი 5 გოლითა და 14 ასისტით გამოიჩინა.