მედიასთან ინტერვიუში, ჰანსი ფლიკმა რამდენიმე ძირითადი ასპექტი გამოჰყო, რომელიც გუნდის განვითარებას ეხება.

"დისციპლინა ფეხბურთელისთვის აუცილებელია. ასევე ძალიან მნიშვნელოვანია ვარჯიშებზე დროულად მისვლა, რადგან თუ მოთამაშე დააგვაინებს, გუნდის დანარჩენ ნაწილს ლოდინი უწევს. ეს კი ჯგუფისადმი გამოხატული უპატივცემულობაა."

"რაც შეეხება დისციპლინარულ სასჯელებს, მე პირადად ფინანსური ჯარიმების მომხრე არ ვარ, ჩვენ ზრდასრული და ჩამოყალიბებული ადამიანები ვართ, ამიტომ, მსგავსი ხერხები ამ საქმეში შეუსაბამოდ მიმაჩნია." 

"მოთამაშეებს ყოველთვის ვეუბნები: "თუ მხოლოდ 80%-ით ივარჯიშებთ, თამაშში შესაძლებლობების 100%-ს ვერ აჩვენებთ". ჩემთვის ვარჯიში ის ადგილია, სადაც შენ ვითარდები და, შესაბამისად, ბოლომდე უნდა დაიხარჯო."