პედრი მადრიდის "რეალთან" მატჩს სასტარტო შემადგენლობიდან დაიწყებს, - იუწყება ჟურნალისტი ხავი მიგელი.

წყაროს თანახმად, ესპანელ ნახევარმცველს "ელ კლასიკოში" 70-75 წუთი მიეცემა სათამაშოდ.

პედრიმ დღეს თანაგუნდელებთან ერთად სავარჯიშო სესიის ნახევარი ჩაატარა.

შეგახსენებთ, რომ 20 წლის ვარსკვლავმა ტრავმა "მანჩესტერ იუნაიტედთან", ევროპა ლიგის წინასაფლეიოფო ეტაპის პირველ მატჩში მიიღო. ამ დაზიანებამ პედრის "ბლაუგრანას" ბოლო 6 მატჩი გამოატოვებინა.

ცნობისთვის, მომდევნო "კლასიკო" კატალონიურ გრანდს 19 მარტს ელის. მატჩი თბილისის დროით 23:55 საათზე დაიწყება.