"ბარსელონამ" ოფიციალურად დაადასტურა, რომ კლუბმა "ჟირონადან" 22 წლის თავდამსხმელი, პაუ ვიქტორი შეიძინა.

ტრანსფერში კატალონიურმა კლუბმა 2.7 მილიონი ევრო მიიღო. თუ პაუს "ბარსა" 2025 წლის ზაფხულში გაყიდის, თანხის 50% "ჟირონასი" იქნება, ხოლო თუ ამას 2025 წლის შემდეგ გააკეთებს, "თეთრ-წითლების" წილი 30%-მდე შემცირდება.

ვიქტორის შეძენა გულშემატკივრებს სოციალურ ქსელებში "ბარსელონას" პირველი გუნდის გვერდებმა ამცნეს, რაც იმას ნიშნავს, რომ ესპანელი პირველი გუნდის წევრად განიხილება.

ახალგაზრდა ფორვარდი გასულ სეზონში "ბარსელონა ატლეტიკში" იყო "ჟირონადან" განათხოვრებული. 39 მატჩში მან თავი 20 გოლითა და 6 ასისტით გამოიჩინა.

აქვე გეტყვით, რომ პაუმ "ბლაუგრანასთან" 5-წლიანი კონტრაქტი გააფორმა.