კლუბში მისი ოფიციალური წარდგენის შემდეგ, ჰანსი ფლიკმა მედიასთან და ფანებთან საუბრის დროს ლამინ იამალის შესახებ ისაუბრა. "ბარსას" თავკაცმა მოზარდს რამდენიმე რჩევაც მისცა.
 

"მე ვიხილე, თუ როგორ ითამაშა იამალმა ევროზე და კიდევ ერთხელ დავრწმუნდი, რომ ის წარმოუდგენელია, თუმცა, აუცილებელია, რომ მან განვითარება კვლავ განაგრძოს." 

"დიდი ფეხბურთელები მაღალ დონეზე თამაშს აგრძელებენ და იმედი მაქვს, რომ ლამინიც არ ჩამორჩება მათ. მნიშვნელოვანია, რომ მან ეს გაითავისოს." დასძენს ფლიკი. 

შეგახსენებთ, რომ იამალი ევროპის ჩემპიონატის სრულად ჩატარების შემდეგ, აშშ-ში კლუბს სხვა მოთამაშებთან შედარებით გვიან შეუერთდება. 17 წლის სუპერტალანტმა კონტინენტის მთავარ სანაკრებო ტურნირზე ყველა, შვიდივე მატჩში მიიღო მონაწილეობა და ესპანეთთან ერთად კარიერის პირველი სანაკრებო ტიტულიც მოიპოვა.