გავრცელებული ინფორმაციით, "ბარსელონასთან" ერთად, დანი ოლმოს დამატებისთვის ბრძოლაში მიუნხენის "ბაიერნი" ჩაერთო. 

ცნობილია, რომ "ბარსას" მთავარი აქცენტი ნიკო უილიამსზეა მიმართული, სწორედ ამიტომ, მათ ოლმოს ტრანსფერისთვის შემტევი ხაზის მოთამაშის გაყიდვა მოუწევთ. 

მართალია, ოლმოს "ბლაუგრანაში" დაბრუნება და ბავშვობის კლუბში თამაში სურს, თუმცა ეს ასევე დამოკიდებულია მის თაობაზე შემოსულ შემოთავაზებებზე. "ლაიფციგი" ოლმოს სანაცვლოდ დაახლოებით 60-65 მილიონ ევროს ითხოვს. 

შეგახსენებთ, რომ "ბარსას" მთავარი ამოცანა ამ ეტაპზე ნიკო უილიამსია, თუმცა კლუბი ოლმოს თაობაზე იმედებს არ კარგავს. დიდი ალბათობით, ყველაფერს შეთავაზებული სატრანსფერო ფასი გადაწყვეტს.