Mundo Deportivo იტყობინება, რომ "ბარსელონას" ვიტორ როკეს გაყიდვა უნდა, მაგრამ კლუბში მისი იჯარა + გამოსყიდვის ვალდებულება ფორმატით გაშვებასაც განიხილავენ.
თავად ბრაზილიელ ფორვარდს კვლავ "ბლაუგრანაში" თამაში და ჰანსი ფლიკისთვის თავისი შესაძლებლობების დამტკიცება სწადია. ვიტორმა გაცილებით სარფიან შეთავაზებებზე თქვა უარი, რათა საოცნებო გუნდის ღირსება დაეცვა. ცხადია, მას ამ ყველაფრის ასე მალე დასრულება არ სურს.
მიუხედავად ამისა, თუ "ლურჯ-ბროწეულისფერნი" ვიტორს წასვლას აიძულებენ, მას ურჩევნია, რომ ეს არა განათხოვრების, არამედ პერმანენტული ტრანსფერის ფორმით მოხდეს.
19 წლის თავდამსხმელს აქტიურად უკავშირებენ "ალ აჰლის". აქვე გეტყვით, რომ "ბარსა" ბრაზილიელს 40 მილიონ ევროდ აფასებს. ამ თანხიდან 10 მილიონი ევრო "ატლეტიკო პარანაენსეს" უნდა ერგოს.
როკე "ბარსას" ამა წლის იანვარში შეუერთდა. "ლურჯ-ბროწეულისფერთა" მაისურით ჩატარებულ 16 მატჩში მან 2 გოლი შეაგდო.
