მართალია, უკანასკნელ კვირებში ამაზე საუბარი მნიშვნელოვნად მინელდა, თუმცა "პარი სენ ჟერმენის" ნიდერლანდელი ნახევარმცველი, ჩავი სიმონსი ჯერ კიდევ განიხილებოდა "ბარსელონას" ერთ-ერთ სატრანსფერო სამიზნედ.

ახლა კი ვიგებთ, რომ 21 წლის ფეხბურთელმა თავის მომავალთან დაკავშირებით გადაწყვეტილება მიიღო.

ჟურნალისტ ფლორიან პლეტენბერგის ინფორმაციით, სიმონსი მომდევნო სეზონშიც "ლაიფციგში" ითამაშებს.

"წითელი ხარები" და "პსჟ" უკვე ათანხმებენ ერთწლიანი იჯარის ახალ ხელშეკრულებას.

გარდა "ბარსასი", ჩავით მიუნხენის "ბაიერნიც" გახლდათ დაინტერესებული.

ცნობისთვის, გასულ სეზონში ჩატარებულ 43 მატჩში ნიდერლანდელმა თავი 10 გოლითა და 15 ასისტით გამოიჩინა.