ესპანურმა Mundo Deportivo-მ "ბარსელონას" მთავარი მწვრთნელის, ჰანსი ფლიკის გეგმების შესახებ ახალი ცნობები გაავრცელა.

წყაროს თანახმად, 59 წლის სპეციალისტი თავის გუნდს მოქნილ 4:2:3:1 ფორმაციაზე ამუშავებს.

ამ განლაგებით შესაძლებელი იქნება, რომ მატჩის მიმდინარეობისას ფეხბურთელები 4:3:3-ზე ან 4:4:2-ზე გადაეწყონ.

ფლიკი უკმაყოფილო დარჩა კატალონიელთა მიერ "მანჩესტერ სიტის" წინააღმდეგ ნაჩვენები დაცვითი თამაშით. ჰანსის აზრით, გუნდი თავს ზედმეტად უკნიდან იცავდა.

"ბლაუგრანას" ახალი მესაჭისთვის უწყვეტი პრესინგი და თავდაცვის ხაზის მაღლა აწევა უმნიშვნელოვანესი რამ გახლავთ.

დიდი ალბათობით, მომდევნო ამხანაგური მატჩები სწორედ ამ ასპექტების დახვეწას დაეთმობა.