არ არის გამორიცხული, რომ კლემან ლანგლე "ბარსელონაში" დარჩეს, - იუწყება Mundo Deportivo-ს ჟურნალისტი გაბრიელ სანსი.

"ბარსელონას" მთავარ მწვრთნელს, ჰანსი ფლიკს ფრანგ მცველზე დადებითი შთაბეჭდილება შეექმნა. გერმანელ სპეციალისტს კლემანის გამოცდილებაც მოსწონს, ამიტომ მის შენარჩუნებას არ გამორიცხავს.

29 წლის ფეხბურთელით მადრიდის "ატლეტიკოა" დაინტერესებული. კატალონიელებმა ამ ინტერესზე იციან, მაგრამ "როხიბლანკოს" შეთავაზება, რომელიც კლემანის იჯარით აყვანას მოიცავს, მათთვის სასურველისგან ძალიან შორსაა.

ახლა კლემანი მხოლოდ "ბლაუგრანას" ამერიკულ ტურნეზეა ფოკუსირებული და მაქსიმალურად ცდილობს გუნდში დარჩენის შანსის გამოყენებას.

შეგახსენებთ, რომ გამოცდილმა უკანახაზელმა "მანჩესტერ სიტისთან" ამხანაგურ მატჩში "ბარსას" უკაპიტნა კიდეც.