SPORT იუწყება, რომ ორიოლ რომეუ "ჟირონასთან" ერთ ნაბიჯშია. თუ უახლოეს საათებში რაიმე მოულოდნელად არ შეიცვალა, ესპანელ ნახევარმცველს "ბლაუგრანა" მის ყოფილ გუნდში გაანათხოვრებს.

აღნიშნულ ინფორმაციას ადასტურებს Jijantes-იც, თუმცა აღნიშნავს, რომ კატალონიური კლუბები ტრანსფერის ფორმატზე ჯერ არ მოლაპარაკებულან. არ არის გამორიცხული, რომეუ გაიყიდოს კიდეც.

წყაროს თანახმად, ორიოლმა "ლურჯ-ბროწეულისფერთა" ამერიკული შეკრება უკვე დატოვა და ახლა ბარსელონასკენ მიემგზავრება.

როგორც ჩანს, ხმები იმის შესახებ, რომ რომეუ "თეთრ-წითლებს" მათი დატოვებიდან ერთი წლის თავზევე დაუბრუნდებოდა, სიმართლე აღმოჩნდა.

ცნობისთვის, 32 წლის ნახევარმცველში "ბლაუგრანამ" შარშან 3.4 მილიონი ევრო გადაიხადა. "ბარსას" მაისურით ჩატარებულ 37 მატჩში მან 1 საგოლე გადაცემა მიითვალა.