ჟოაუ ფელიქსმა გადაწყვიტა, რომ "ბარსელონას" დაელოდოს, მაგრამ კლუბი მას მხოლოდ იმ შემთხვევაში დაიბრუნებს, თუ პრიორიტეტული სამიზნეებიდან რომელიმე შემტევს ვერ გაიფორმებს. აღნიშნულ ინფორმაციას SPORT ავრცელებს.
მადრიდის "ატლეტიკოს" პორტუგალიელი თავდამსხმელის ბირმინგემის "ასტონ ვილაში" გაშვება უნდა.
"ვილანები" მზად არიან, რომ ჟოაუს 1-წლიან იჯარაში გარკვეული თანხა გადაიხადონ და მისი გამოსყიდვის ვალდებულებაც აიღონ თავზე. "ინდიელებს" ეს პირობები აკმაყოფილებთ.
წყაროს თანახმად, "ატლეტიკო" შეიძლება "ბლაუგრანასთან" ბარტერის განხორციელების შესაძლებლობამ დააინტერესოს.
დედაქალაქურ კლუბს ვიტორ როკეს, ინიგო მარტინესსა და ფერან ტორესს უკავშირებდნენ. არ გამოვრიცხოთ, ამ გვარებმა კიდევ ერთხელ გაიჟღერონ.
შეგახსენებთ, რომ 24 წლის შემტევი გასულ სეზონში სწორედ "ლურჯ-ბროწეულისფერთა" რიგებში იყო განათხოვრებული. კატალონიურ გრანდს ჟოაუ 10 გოლითა და 6 ასისტით დაეხმარა.
