"ელ კლასიკოში" 2:1 გამარჯვების შემდეგ, მედიასთან საუბრისას, ჰანსი ფლიკმა "ბარსელონას"მთავარი პრობლემა დაასახელა.

"ჩვენ მათ წინააღმდეგ 90 წუთი პრესინგი ვერ შევძელით, სწორედ ესაა ჩვენი პრობლემა. ყოველთვის უნდა ვეცადოთ, რომ მეტოქე მთელი მატჩის განმავლობაში შევავიწროვოთ.

როგორც ვიხილეთ, "ბარსამ" მატჩი ამ მხრივ საკმაოდ კარგად დაიწყო, "ბლაუგრანამ" ოპონენტს ძალიან მაღალი და ინტენსიური პრესინგი ეთამაშა. შესვენებისა და რამდენიმე ცვლილების შემდეგ კი, გუნდმა ამ კომპონენტში აშკარად მოუკლო. როგორც ჩანს, სწორედ ეს გახდა ფლიკის უკმაყოფილების მიზეზი.

ეს განცხადება გვაჩვენებს, თუ რამდენად მომთხოვნია ჰანსი. ინტენსიური კონტრპრესია მისი სტილის გამორჩეული თვისებაა, ამიტომ "ბარსას" მოთამაშეებს ამასთან შეგუება მოუწევთ.