"ბარსელონამ" ოფიციალურად დაადასტურა, რომ ორიოლ რომეუ ერთწლიანი იჯარით კვლავ "ჟირონაში" ითამაშებს.

კატალონიურ კლუბს 32 წლის ნახევარმცველის გამოსყიდვის ვალდებულება არ დაეკისრა. მაშასადამე, უდიდესი ალბათობით, რომეუ გაისად "ბლაუგრანაში" დაბრუნდება.

ორიოლი "ბარსამ" სწორედ "ჟირონადან" შეიძინა. 2023 წელს მასში 3.4 მილიონი ევრო გადაიხადეს.

გასულ სეზონში "ლურჯ-ბროწეულისფერთა" მაისურით ჩატარებულ 37 მატჩში რომეუმ 1 საგოლე გადაცემა მიითვალა.