ფაბრიციო რომანომ დაადასტურა, რომ შეთანხმება დანი ოლმოს ტრანსფერის თაობაზე, "ბარსელონასა" და "ლაიფციგს" შორის საბოლოოდ შედგა.

მხარეთა შორის სიტყვიერი შეთანხმება მიღწეულია, ეს ყველაფერი კი ლაიფციგში მოხდა, სადაც გერმანულ მხარესთან მოლაპარაკებების მაგიდას "ბარსას" სპორტული დირექტორი, დეკუ მიუჯდა. 

რაც შეეხება ტრანსფერის დეტალებს, ოლმოს სანაცვლოდ "ბარსელონა" გერმანულ კლუბს 55 მილიონ ევროს გადაუხდის. აგრეთვე შესაძლოა საფასურს 7 მილიონი ევრო დაემატოს, თუმცა ამის წინაპირობები საკმაოდ რთული მისაღწევია.

ოლმო, რომელსაც ესპანეთში თამაში ძალიან სურდა, "ბლაუგრანას" ექვსწლიან კონტრაქტზე შეუთანხმა, რომელიც ძალაში 2030 წლის ივნისამდე იქნება.