"ბარსელონამ" ნიკო უილიამსის გადაწყვეტილების გასაგებად ბოლო ვადა დათქვა, - წერს Mundo Deportivo.

კატალონიური გრანდი ბილბაოს "ატლეტიკის" ვარსკვლავს 24 აგვისტომდე დაელოდება. თუ ამის შემდეგაც არ იქნება ნიკოს პასუხი დადებითი, "ბლაუგრანა" სხვა გარემარბის ძებნას დაიწყებს.

24 აგვისტოს "ლურჯ-ბროწეულისფერნი" ლა ლიგის მეორე ტურის მატჩს სწორედ ბასკური კლუბის წინააღმდეგ ატარებენ. როგორც ჩანს, მათ ყველაფრის გადაწვეტა სწორედ ამ თარიღამდე სურთ.

შეგახსენებთ, რომ 22 წლის ვარსკვლავის გამოსასყიდი თანხა 58 მილიონი ევროა. მისი შეძენის ოპერაციას ჟოან ლაპორტა პირადად ხელმძღვანელობს.

რაც შეეხება უილიამსის ალტერნატივას, პრესაში "ბაიერნის" ფრანგი შემტევის, კინგსლი კომანის გვარმა გაიჟღერა.