"ბაარსელონას" ბრაზილიელ თავდამსხმელს, ვიტორ როკეს დღესაც არ უვარჯიშია.

ჟურნალისტ ვიქტორ ნაეს ინფორმაციით, "სიუტატ ესპორტივაზე" 19 წლის შემტევმა სულ ნახევარი საათი გაატარა. შედარებისთვის, გუშინ მან ბაზაზე 5 წუთი დაჰყო.

წყაროს თანახმად, "ლურჯ-ბროწეულისფერთა" ექიმებმა როკე შეამოწმეს და სახლში გაუშვეს.

ახალგაზრდა შემტევს სიცხე აქვს და თავს ცუდად გრძნობს.

შეგახსენებთ, რომ გუშინ გავრცელებული ინფორმაციის თანახმად, "ბლაუგრანამ" ვიტორის განათხოვრება გადაწყვიტა. ამაზე თანახმაა ბრაზილიელის გარემოცვაც.

როკეთი დაინტერესებულ კლუბებად "ნაპოლი", "ლაციო" და "რომა" მოიაზრებიან.