Mundo Deportivo-ს ინფორმაციით, 17 აგვისტოს, ლა ლიგის ახალი სეზონის გახსნით მატჩში "ვალენსიას" წინააღმდეგ, "ბარსელონას" პედრი ვერ დაეხმარება. 

როგორც ჩანს, პედრის იმაზე მეტი დრო გაუცდება, ვიდრე ტრავმის მიღების დროს ივარაუდებოდა. დიდი ალბათობით, ნახევარმცველი მოედანზე 24 აგვისტოს დაბრუნდება. 

შეგახსენებთ, რომ პედრიმ დაზიანება 5 ივლისს მიიღო, როდესაც ევროპის ჩენპიონატის მეოთხედფინალში, მატჩის სტარტზე მას ტონი კროოსი შეეჯახა. ამ დრომდე ესპანელი ინდივიდუალურად ვარჯიშობს.

ჰანსი ფლიკი თვლის, რომ "ვალენსიასთან" პედრის პოზიციას ილქაი გუნდოგანი შეავსებს, თუმცა, მას ასევე შეეძლება ამისთვის დანი ოლმო, პაბლო ტორე ან თუნდაც რაფინია გამოიყენოს.