ცნობილი ესპანელი ჟურნალისტი, ჟერარ რომერო იუწყება, რომ "ბარსელონას" 3 ვარსკვლავის მომავალი გაურკვეველია. მათი ჩამონათვალი შემდეგნაირად გამოიყურება:
ფერან ტორესი
ფრენკი დე იონგი
ილქაი გიუნდოგანი
სამივე მათგანს აერთიანებს ის ფაქტი, რომ "ბლაუგრანადან" წასვლა არ სურთ.
მოარული ხმების თანახმად, ფრენკი დე იონგი კლუბთან კონტრაქტის ამოწურვასა და 2026 წელს თავისუფალი აგენტის სტატუსით წასვლას აპირებს. ამ ზაფხულს გუნდის შეცვლა არც ესპანელი და გერმანელი მოთამაშეების გეგმებში შედის.
ვიცით, რომ გიუნდოგანს სარფიანი შეთავაზებები ჰქონდა აზიიდან, თუმცა ისინი უარით გაისტუმრა. დე იონგით ისევ "მანჩესტერ იუნაიტედია" დაინტერესებული, ტორესის გვარმა კი "ნიუკასლთან" მიმართებაში გაიჟღერა.
თუ "ბარსა" რომელიმე მათგანის გაყიდვას ნიკო უილიამსისა და სხვა ფეხბურთელის ტრანსფერების დასაფინანსებლად გადაწყვეტს, ყველაზე ლოგიკური დე იონგის გასხვისება უნდა იყოს, თუმცა ისიც საკითხავია, რამდენად გადაიხდიან ტრავმირებულ ფრენკიში იმ თანხას, რომლის მიღების იმედიც ექნებათ კატალონიელებს.
