ფეხბურთელების დარეგისტრირება "ბარსელონასთვის" ტრადიციულ პრობლემად იქცა, რომელიც თავს კიდევ ერთი სეზონის დაწყების წინაც შეგვახსენებს.

Sport-ის ინფორმაციით, "ბლაუგრანაში" უნდათ, რომ "ვალენსიასთან" მატჩამდე ინიგო მარტინესის, პაუ ვიქტორისა და დანი ოლმოს დარეგისტრირება მოასწრონ.

კატალონიურმა გრანდმა შესაბამისი დოკუმენტაციაც უკვე გააგზავნა.

წყაროს თანახმად, მოსალოდნელია, რომ ინიგო და ვიქტორი მარტივად დარეგისტრირდებიან, მერე კი ოლმოს ტრანსფერის დეტალები იქნება განხილული.

ცნობისთვის, "ვალენსიასა" და "ბლაუგრანას" მატჩი შაბათს, თბილისის დროით 23:30 საათზე დაიწყება.

ვალენსიურ-კატალონიური ჯახი ჰანსი ფლიკისთვის პირველი ოფიციალური მატჩი იქნება ახალი გუნდის თავკაცის რანგში.