"ბარსელონას" პოლონელი თავდამსხმელი, რობერტ ლევანდოვსკი ოპტიმალურ ფორმაში ვერც ახალ სეზონს ხვდება. მართალია, "მილანთან" ამხანაგურ მატჩში მან დუბლი შეასრულა, თუმცა "მონაკოს" წინააღმდეგ ჩვენ ისევ შარშანდელი, უფერული ლევანდოვსკი ვიხილეთ.
განსაკუთრებულ შეშფოთებას 36 წლის ცენტრფორვარდის მოძრაობის არეალი იწვევს. ჰანსი ფლიკის გუნდისთვის მაღალი პრესინგის თამაში სასიცოცხლოდ აუცილებელია, რობერტთან ერთად კი ეს შეიძლება პრობლემური იყოს.
ესპანელ ჟურნალისტს, დავიდ ბერნაბეუ რევერტერს თუ ვენდობით, "ბლაუგრანას" ფეხბურთელებმა ეს ჯერ კიდევ შარშან შეამჩნიეს.
"ლევანდოვსკისთან ერთად მაღალი პრესინგის თამაში შეუძლებელია," - უთქვამთ მათ გუნდის მაშინდელი თავკაცის, ჩავი ერნანდესისთვის.
ასეა თუ ისე, რობერტი რომ მომდევნო სეზონშიც "ლურჯ-ბროწეულისფერთა" მთავარი ცხრიანი იქნება, ეჭვგარეშეა, თუმცა პაუ ვიქტორის სახით მას შეიძლება საკმაოდ სერიოზული კონკურენტიც წარმოეშვას.
