ფრანგული "რენი" და "ბარსელონა" მიკაილ ფაიეს ტრანსფერზე შეთანხმდნენ, - იუწყება FootMercato.

სენეგალელ მცველში "ლურჯ-ბროწეულისფერნი" 10 მილიონ ევროს მიიღებენ. ბონუსების გათვალისწინებით, ტრანსფერის თანხამ შეიძლება 15 მილიონი ევროს მიაღწიოს.

აღსანიშნავია, რომ "ბლაუგრანა" იტოვებს 19 წლის ფეხბურთელის 30 მილიონ ევროდ გამოსყიდვის შესაძლებლობას.

ფაიეს გარემოცვასთან "რენი" ჯერ არ შეთანხმებულა. წყაროს თანახმად, მიკაილით მხოლოდ ფრანგული და არაესპანური კლუბები ინტერესდებიან.

შეგახსენებთ, რომ დღეს გავრცელებული ცნობებით, სენეგალელმა პრესეზონზე ჰანსი ფლიკს თავი ვერ მოაწონა, ამიტომ გერმანელმა სპეციალისტმა მის გაყიდვას მწვანე შუქი აუნთო.