სატრანსფერო ფანჯრის დახურვამდე ორი კვირით ადრე, "ნიუკასლ იუნაიტედი" ცენტრალურ მცველს ეძებს და თვალი "ბარსელონას" დანიელი უკანახაზელის, ანდრეას კრისტენსენისკენ უჭირავს.

Mundo Deportivo-ს ინფორმაციით, "ლურჯ-ბროწეულისფერნი" 28 წლის ფეხბურთელს მხოლოდ იმ შემთხვევაში შეელევიან, თუ ისეთ შეთავაზებას მიიღებენ, რომელზე უარის მიღებაც შეუძლებელი იქნება.

როგორც ირკვევა, ტრანსფერის განსახორციელებლად "ჯორდებს" მათთვის 35-40 მილიონის შეთავაზება მოუწევთ.

"ბარსას" კრისტენსენის გაშვება იმ ფაქტორის გამოც არ სურს, რომ მას ნახევარდაცვაშიც შეუძლია თამაში და ერთდროულად ორ პოზიციას ფარავს.

შეგახსენებთ, რომ ანდრეასი "ვალენსიასთან" მატჩში სათადარიგოთა სკამიდან ჩაერთო. მან პაუ კუბარსი შეცვალა.