ილქაი გიუნდოგანი "ბარსელონას" წასვლაზე შეუთანხმდა, - იუწყება Cadena Ser.
კლუბი ახლა სარფიან შემოთავაზებას ელოდება. გერმანელი ნახევარმცველის გაყიდვით "ბლაუგრანას" სახელფასო განაკვეთი გამოთავისუფლდება, რაც მას ლა ლიგაში ფეხბურთელების დარეგისტრირების საშუალებას მისცემს.
33 წლის შუახაზელი "ლურჯ-ბროწეულისფრებს" თავად შეატყობინებს მისი მსურველი გუნდის შესახებ.
წყაროს თანახმად, ილქაი "მანჩესტერ სიტიში" ისურვებდა დაბრუნებას. ჯერჯერობით უცნობია, რას ფიქრობენ "ქალაქელები" ამის თაობაზე.
შეგახსენებთ, რომ გიუნდოგანის წასვლის შესახებ ხმები 17 აგვისტოს გავრცელდა. "ბარსას" თავკაცმა, ჰანსი ფლიკმა ისინი უარყო, თუმცა, როგორც ჩანს, ილქაი უკვე ჩემოდნებზე ზის.
გამოცდილი ნახევარმცველი "ბლაუგრანამ" 2023 წლის ზაფხულში თავისუფალი აგენტის სტატუსით დაიმატა. კატალონიურ გრანდს ის 5 გოლითა და 14 ასისტით დაეხმარა.
