Diario SPORT-ის ინფორმაციით, "ბარსელონას" სპორტული დირექტორი დეკუ გუნდში ჯეიდონ სანჩოს მოყვანას ცდილობს.
პორტუგალიელს 24 წლის შემტევის იჯარის წესით დამატება სურს, თუმცა იმასაც ითვალისწინებს, რომ ტრანსფერის განხორციელება მხოლოდ მაშინ იქნება შესაძლებელი, თუ "მანჩესტერ იუნაიტედის" გარემარბი ხელფასის შემცირებაზე დათანხმდება.
ჯეიდონი კვირაში თითქმის 300 ათას ფუნტ სტერლინგს გამოიმუშავებს, რაც "ბლაუგრანასთვის" მიუწვდომელი თანხაა.
შეგახსენებთ, რომ გასული სეზონის მეორე ნახევრის "ბორუსია დორტმუნდში" გატარების შემდეგ, სანჩო "ოლდ ტრაფორდზე" დაბრუნდა. ინგლისელის მანჩესტერული დღეები შეიძლება დათვლილიც კი იყოს, რადგან ის "ფულემთან" სამატჩო განაცხადის მიღმა დარჩა, რაც სიგნალად იქნა აღქმული.
"სიტის" აკადემიის აღზრდილ შემტევს უკავშირებენ "პარი სენ ჟერმენსაც".
აქვე გეტყვით, რომ "წითელ ეშმაკებთან" კონტრაქტი ჯეიდონს 2026 წლის ივლისამდე აკავშირებს.
