დეკუ და ჰანსი ფლიკი შეთანხმდნენ, რომ საკუთარი შესაძლებლობების დასამტკიცებლად, ანსუ ფატის გუნდში ერთ სეზონს მისცემენ, - იუწყება Diario AS.

21 წლის თავდამსხმელმა გერმანელ სპეციალისტს თავი პრესეზონზე მოაწონა, თუმცა ტერფის ტრავმამ ფატი ლაზარეთში განამწესა, საიდანაც სექტემბრის სანაკრებო პაუზამდე ვერ დაბრუნდება.

ანსუმანეს გაშვება არც "ბლაუგრანას" სპორტულ დირექტორს უნდა, რადგან თუ კლუბი მარცხენა გარემარბს ვერ შეიძენს, შეტევაში ერთით ნაკლები ფეხბურთელის გარეშე დარჩება.

ესპანელი ფორვარდით "სევილია" ახლაც ინტერესდება, მაგრამ, როგორც ჩანს, "დალაქებს" ტრანსფერის განხორციელება არ უწერიათ.

შეგახსენებთ რომ ფატი "ლურჯ-ბროწეულისფერთა" ათ ნომრადაც რჩება.