"ბარსელონა" ფედერიკო კიეზას ტრანსფერის დახურვასთან ძალიან ახლოსაა, - იუწყება ჯანლუკა დი მარციო.

"ბლაუგრანაც" და "იუვენტუსიც" დარწმუნებულნი არიან, რომ მხარეები შეთანხმდებიან.

გავრცელებული ცნობების თანახმად, "ლურჯ-ბროწეულისფერთა" პირველი შეთავაზება 13 მილიონი ევროს ღირებულებისა გახლდათ. "ბიანკონერის" 26 წლის იტალიელში 15 მილიონის მიღების იმედი აქვს.

თავად ფედერიკოს "ბარსაში" გადაბარგება ძალიან უნდა. იგი სახელფასო მოთხოვნების შემცირებისთვისაც მზადაა.

აქვე გეტყვით, რომ წინა სეზონში კიეზამ "ბებერი ქალბატონის" მაისური 37 მატჩში მოირგო. მან თავი 10 გოლითა და 3 ასისტით გამოიჩინა.