ფაბრიციო რომანო იუწყება, რომ "ბარსელონას" ყოფილი მცველი, მარკოს ალონსო კარიერას ვიგოს "სელტაში" გააგრძელებს.

33 წლის ფეხბურთელმა "ბლაუგრანა" თავისუფალი აგენტის სტატუსით წინა სეზონის დასრულებისთანავე დატოვა. როგორც ჩანს, თითქმის 3-თვიანი ძებნის შემდეგ, მან ახალი გუნდი იპოვა.

მარკოსს "ბალაიდოსზე" კიდევ ორი ყოფილი "ბარსელონელი" დახვდება: ილაიქს მორიბა და ოსკარ მინგესა.

სხვათა შორის, ვიგოელებმა ლა ლიგის ახალი სეზონი დიდებულად დაიწყეს და ორ მატჩში აღებული 6 ქულით, სატურნირო ცხრილის თანალიდერები არიან. ლიდერობას ისინი სწორედ "ბარსასთან" იყოფენ.

რაც შეეხება ალონსოს "ბარსელონურ" კარიერას, იგი ორ სეზონში ჩატარებული 45 მატჩით შემოიფარგლა. ვეტერანმა მცველმა ამ პერიოდში 3 გოლი შეაგდო და 2 ტიტული (ლა ლიგა, ესპანეთის სუპერთასი) მოიგო.