"ბარსელონამ" ჯონათან ტას სანაცვლოდ "ბაიერ ლევერკუზენს" ოფიციალური შეთავაზებით მიმართა, - იუწყება Mundo Deportivo-ს ჟურნალისტი, როხერ ტორელო.

"ბლაუგრანამ" გერმანულ კლუბს 20 მილიონი ევრო შესთავაზა.

ტას ჰანსი ფლიკთან მუშაობის პერსპექტივა ხიბლავს. გამოცდილი მცველი ჰანსის გერმანიის ნაკრებიდან იცნობს, ამიტომ გასაკვირი არ არის, რომ ამ თანამშრომლობის აღდგენა უნდა.

მოარული ხმების თანახმად, "ფარმაცევტები" ჯონათანს 30 მილიონ ევროდ აფასებენ. ამ შეხედულებას ამყარებს ის ფაქტიც, რომ ბუნდესლიგის მოქმედმა ჩემპიონებმა "ბაიერნის" 25 მილიონიან შეთავაზებას (20+5) უარით უპასუხეს.

ტას "ბაიერთან" კონტრაქტი 2025 წლის ივლისამდე აკავშირებს. 

28 წლის ფეხბურთელმა ახალ სეზონში უკვე 3 მატჩში მიიღო მონაწილეობა.