მას მერე, რაც ჰანსი ფლიკმა "ბარსელონა" ჩაიბარა, რობერტ ლევანდოვსკი ფანტასტიკურ ფორმაში შევიდა. პოლონელმა ლა ლიგის ახალი სეზონი 4 მატჩში გატანილი 4 გოლით დაიწყო.

Diario SPORT-ს თუ დავუჯერებთ, გერმანელ სპეციალისტს სპეციალური გეგმაც კი აქვს, რომ 36 წლის ცენტრფორვარდისგან მაქსიმუმი მიიღოს.

ფლიკმა ლევანდოვსკი "ვალიადოლიდთან" მატჩის დასრულებამდე 20 წუთით ადრე შეცვალა. შეხვედრებში, რომლის ბედი ნაადრევად გადაწყდება, ასეთ სურათს კიდევ ბევრჯერ ვნახავთ.

როგორც ჩანს, ჰანსის უნდა, რომ ვეტერანი ცხრიანის ენერგია მაქსიმალურად დაზოგოს, რათა მნიშვნელოვან მატჩებს იგი საუკეთესო კონდიციებში შეხვდეს.

შეგახსენებთ, რომ ლევანდოვსკი ლა ლიგის ბომბარდირთა დავას ერთპიროვნულად ლიდერობს.