ჰანსი ფლიკი ინიგო მარტინესის პროფესიონალიზმით, თავდადებითა და ტექნიკური უნარებით აღფრთოვანებულია, - იუწყება Diario SPORT.

32 წლის მცველმა ახალ სეზონში "ბარსელონა" 4-ვე მატჩი სასტარტო შემადგენლობიდან დაიწყო. ცხადია, ლა ლიგის წარმატებულად დაწყებაში თავისი წვლილი ინიგომაც შეიტანა.

მაშინ, როდესაც რონალდ არაუხოს და ანდრეას კრისტენსენის ტრავმებმა "ბლაუგრანას" დაცვის ცენტრში დიდი პრობლემები გაუჩინეს, მარტინესი შესანიშნავად გამოიყურება.

ინიგო გუნდის ახალგაზრდა წევრებისთვის მენტორის როლსაც ითავსებს.

შეგახსენებთ, რომ გამოცდილი უკანახაზელი კატალონიურ გრანდს 2023 წლის ზაფხულში, თავისუფალი აგენტის სტატუსით შეუერთდა.