გუშინ გავრცელდა ინფორმაცია, რომ უსმან დემბელეს ტრავმის რეციდივი ჰქონდა, თუმცა Mundo Deportivo აღნიშნულ ცნობას არ ადასტურებს.

კატალონიური გამოცემის თანახმად, რეციდივს ადგილი არ ჰქონია, მაგრამ ფრანგი გარემარბის რეაბილიტაციის პროცესი მაინც მოსალოდნელზე ნელი ტემპით მიმდინარეობს.

სამწვრთნელო და სამედიცინო შტაბები მაქსიმალური მოთმინების გამოჩენას გეგმავენ.

"ბლაუგრანაში" არსებული მოლოდინი ისეთია, რომ უსმანს კიდევ 2-3 კვირით მოუწევს უქმობა.

დემბელემ ტრავმა 28 იანვარს, "ჟირონასთან" მატჩში მიიღო. იგი მოედანზე უკვე თვე-ნახევარია, რაც არ გასულა.

მიმდინარე სეზონში 25 წლის შემტევის მონაგარი 8 გოლი და 7 ასისტია.