2024 წლის ოქროს ბურთის ნომინანტთა სიაში "ბარსელონა" ორი ფეხბურთელითაა წარმოდგენილი. ყველაზე პრესტიჟული ინდივიდუალური ჯილდოსთვის ლამინ იამალი და დანი ოლმო იბრძოლებენ.

ლამინმა გასული სეზონი 14 საგოლე მოქმედებით ჩაამთავრა და ევრო 2024-ზე საუკეთესო ახალგაზრდად დასახელდა.

რაც შეეხება ოლმოს, "ლაიფციგში" მას 13 გოლში ჰქონდა პირდაპირი მონაწილეობა მიღებული, მერე კი ევროპის ჩემპიონატის თანაბომბარდირიც გახდა.

აქვე შეგახსენებთ, რომ იამალი კოპას ჯილდოს მოგების მთავარი ფავორიტია. ეს ჯილდო წლის საუკეთესო ახალაგზრდა ფეხბურთელს გადაეცემა ხოლმე. 

დაჯილდოების ცერემონია 28 ოქტომბერს, პარიზში გაიმართება.