არგენტინასთან ერთად ყველა ტიტულის მოგების შემდეგ, ანხელ დი მარიამ სანაკრებო კარიერა 36 წლის ასაკში დაასრულა.

დღეს, ბუენოს აირესში, ბევრისთვის საყვარელ ნახევარმცველს, ნაკრებმა და არგენტინის ფეხბურთის ფედერაციამ Estadio Monumental-ზე გამოსამშვიდობებელი ცერემონია მოუწყო.

მიუხედავად იმისა, რომ გუნდის კაპიტანი, ლიონელ მესი პირადად იქ არ იმყოფებოდა, გამოსამშვიდობებელი სიტყვა ყოფილ თანაგუნდელს მან ვიდეოს სახით მიუძღვნა.

"იმედი მაქვს, ამ საღამოს ოჯახთან და საყვარელ ადამიანებთან ერთად  გაატარებ. ჩვენ ერთმანეთს ყველაგერი ვუთხარით, რაც უნდა გვეთქვა. გავიზიარეთ უამრავი მომენტი და ვინ იფიქრებდა, რომ ყველაფერი ასე დამთავრდებოდა? ძალიან მომენატრები.“, - განუცხადა ლეომ El Fideo-ს.