Mundo Deportivo-ს ჟურნალისტის, ფერან მარტინესის ინფორმაციით, დანი ოლმოს ტრავმა არ აღმოაჩნდა.

ესპანეთის ნაკრებში ეჭვობდნენ, რომ "ბარსელონას" შემტევ ნახევარმცველს მუხლი ჰქონდა დაზიანებული, მაგრამ სამედიცინო გამოკვლევებმა სრულიად სხვა შედეგი აჩვენა.

როგორც ირკვევა, დანის მუხლში დარტყმა აქვს მიღებული, ტრავმასთან კი საქმე არ გვაქვს. თავის დაზღვევის მიზნით, შვეიცარიასთან დღეს გასამართ მატჩს 26 წლის ფეხბურთელი გამოტოვებს.

შეგახსენებთ, რომ ოლმომ "ლურჯ-ბროწეულისფერთა" რიგებში ორი მატჩის ჩატარება მოასწრო. მან ორივე შეხვედრაში თითო გოლით გამოიჩინა თავი.

რაც შეეხება ესპანეთისა და შვეიცარიის შეხვედრას, იგი დღეს, თბილისის დროით 22:45 საათზე დაიწყება.