"ბარსელონას" 17 წლის შემტევმა, ლამინ იამალმა RadioEstadio Noche-სთვის მიცემულ ინტერვიუში სასურველი თანაგუნდელი დაასახელა.

"ფეხბურთელი, რომელთანაც ყველაზე მეტად ისურვებდი, რომ კარიერის განმავლობაში გეთამაშა," - ასე ჟღერდა "ლურჯ-ბროწეულისფერთა" 19 ნომრისთვის დასმული შეკითხვა.

იამალმა არჩევანი "მანჩესტერ სიტის" ბელგიელი ნახევარმცველის, კევინ დე ბრუინის სასარგებლოდ შეაჩერა.

როგორც ჩანს, ლამინი 33 წლის ვარსკვლავის დიდი ქომაგია.

საინტერესოა, რომ ევროპის ტოპ 5 ჩემპიონატში მოასპარეზე ფეხბურთელებს შორის, გუნდსა და ნაკრებში, 2024 წელს ყველაზე მეტი ასისტი დე ბრუინს აქვს გაკეთებული, მეორე ადგილს კი სწორედ იამალი იკავებს.