სატრანსფერო ფანჯრის ბოლო დღეებში ჟორჟე მენდეშმა "ბარსელონასა" და "პარი სენ ჟერმენს" შორის ბარტერის განხორციელება სცადა, - იუწყება Catalunya Radio.

პორტუგალიელი აგენტის განზრახვით, კლუბებს ერთმანეთში ერიკ გარსია და დანილო პერეირა უნდა გაეცვალათ.

დიდი ალბათობით, მხარეების შეთანხმება "ბლაუგრანას" მთავარი მწვრთნელის, ჰანსი ფლიკის მტკიცე პოზიციამ გამორიცხა. გერმანელმა სპეციალისტმა გუნდში გარსიას დატოვება ბრძანა.

რაც შეეხება დანილოს, ახალი გუნდი მან მაინც მოძებნა და არაბულ "ალ იტიჰადს" მიაშურა.