ჩავი ძალიან შეწუხებულია ხალხში გავრცელებული იმ მოსაზრებით, რომ "ბარსელონას" ფეხბურთელების ფიზიკური მონაცემები მისი წასვლის შემდეგ გაუმჯობესდა, - იუწყება SPORT.
"მაესტროს" შტაბის მიერ გაანალიზებული მაჩვენებლების მიხედვით, "ლურჯ-ბროწეულისფერნი" ლა ლიგის 3 საუკეთესო გუნდში იყვნენ, როცა საქმე მატჩში დაფარულ დისტანციას ეხებოდა.
უფრო მეტიც, ჩავის ფორმაციის გუნდი ბოლო 11 სეზონში საუკეთესო "ბარსელონა" იყო ფეხბურთელების ფიზიკური პარამეტრების ასპექტში.
ცხადია, ამ ფონზე, 44 წლის სპეციალისტის წუხილი სავსებით საფუძვლიანია.
რამდენიმე დღის წინ გავრცელებული ცნობებით, ჩავი და მისი გარემოცვა პედრის ინტერვიუმაც გაანაწყენა. "ბარსას" ახალგაზრდა ნახევარმცველმა გუნდის უკეთესი ფიზიკური მომზადება ჰანსი ფლიკს დაუკავშირა, რამაც "ბლაუგრანას" ყოფილ თავკაცს გული ატკინა.
შეგახსენებთ, რომ ჩავი "ბარსელონას" 2021-2024 წლებში ხელმძღვანელობდა კატალონიურ გრანდს მან ლა ლიგა და ესპანეთის სუპერთასი მოაგებინა.
